When white was my owrelay
as foam of the linn,
And siller was chinking my
pouches within;
When my lambkins were bleating
on meadow and brae,
As I gaed to my love in new
cleeding sae gay—
Kind
was she, and my friends were free;
But
poverty parts gude companie.
How swift pass’d the
minutes and hours of delight!
The piper play’d cheerly,
the cruisie burn’d bright;
And link’d in my hand
was the maiden sae dear,
As she footed the floor in
her holiday gear.
Woe
is me! and can it then be,
That
poverty parts sic companie?
We met at the fair, and we
met at the kirk;
We met in the sunshine, we
met in the mirk;
And the sound of her voice,
and the blinks of her een,
The cheering and life of my
bosom have been.
Leaves
frae the tree at Martinmas flee,
And
poverty parts sweet companie.
At bridal and in fair I ‘ve
braced me wi’ pride,
The bruse I hae won,
and a kiss of the bride;
And loud was the laughter,
gay fellows among,
When I utter’d my banter,
or chorus’d my song.
Dowie
to dree are jesting and glee,
When
poverty parts gude companie.
Wherever I gaed the blythe
lasses smiled sweet,
And mithers and aunties were
mair than discreet,
While kebbuck and bicker were
set on the board;
But now they pass by me, and
never a word.
So
let it be; for the worldly and slie
Wi’
poverty keep nae companie.
But the hope of my love is
a cure for its smart;
The spaewife has tauld me
to keep up my heart;
For wi’ my last sixpence
her loof I hae cross’d,
And the bliss that is fated
can never be lost.
Cruelly
though we ilka day see
How
poverty parts dear companie.
[29] This song was written for Thomson’s “Melodies.” “Todlin’ Hame,” the air to which it is adapted, appears in Ramsay’s “Tea-Table Miscellany” as an old song. The words begin—“When I hae a saxpence under my thum.” Burns remarks that “it is perhaps one of the first bottle-songs that ever was composed.”
FY, LET US A’ TO THE WEDDING.[30]
Fy, let us a’ to the
wedding,
For they will
be lilting there;
For Jock’s to be married
to Maggie,
The lass wi’
the gowden hair.
And there will be jilting
and jeering,
And glancing of
bonnie dark een;
Loud laughing and smooth-gabbit
speering
O’ questions,
baith pawky and keen.
And there will be Bessy, the
beauty,
Wha raises her
cock-up sae hie,
And giggles at preachings
and duty;
Gude grant that
she gang nae ajee!
And there will be auld Geordie
Tanner,
Wha coft a young
wife wi’ his gowd;
She ‘ll flaunt wi’
a silk gown upon her,
But, wow!
he looks dowie and cowed.