When we came in by Glasgow town
    We were a comely sight to see;
  My love was clad in the black velvet,
    And I myself in cramasie.[81]

  But had I wist, before I kissed,
    That love had been sae ill to win,
  I’d lock’d my heart in a case of gold,
    And pin’d it with a silver pin.

  Oh, oh, if my young babe were born,
    And set upon the nurse’s knee,
  And I myself were dead and gane,
    And the green grass growing over me!

[Footnote 73:  An exclamation of sorrow, woe! alas!] [Footnote 74:  Hillside.] [Footnote 75:  Brook.] [Footnote 76:  Oak.] [Footnote 77:  Then.] [Footnote 78:  Adorn.] [Footnote 79:  Comb.] [Footnote 80:  At the foot of Arthur’s-Seat, a cliff near Edinburgh.] [Footnote 81:  Crimson.]

THE TWO CORBIES.[82]

  As I was walking all alane
  I heard twa corbies making a mane;
  The tane unto the t’other say,
  “Where sail we gang and dine to-day?”

  “In behint yon auld fail[83] dyke,
  I wot there lies a new-slain knight;
  And naebody kens that he lies there
  But his hawk, his hound, and lady fair.

  “His hound is to the hunting gane,
  His hawk to fetch the wild fowl hame,
  His lady’s ta’en another mate,
  So we may mak our dinner sweet.

  “Ye’ll sit on his white hause-bane,[84]
  And I’ll pick out his bonny blue een;
  Wi’ ae[85] lock o’ his gowden hair,
  We’ll theck[86] our nest when it grows bare.

  “Mony a one for him makes mane,
  But nane sail ken where he is gane;
  O’er his white banes, when they are bare,
  The wind sail blow for evermair.”

BONNIE GEORGE CAMPBELL.

  Hie upon Highlands and low upon Tay,
  Bonnie George Campbell rade out on a day. 
  Saddled and bridled and gallant rade he;
  Hame cam’ his horse, but never cam’ he.

  Out came his auld mother, greeting[87] fu’ sair;
  And out cam’ his bonnie bride, riving her hair. 
  Saddled and bridled and booted rade he;
  Toom[88] hame cam’ the saddle, but never cam’ he.

  “My meadow lies green and my corn is unshorn;
  My barn is to bigg[89] and my babie’s unborn.” 
  Saddled and bridled and booted rade he;
  Toom cam’ the saddle, but never cam’ he.

[Footnote 82:  The two ravens.] [Footnote 83:  Turf.] [Footnote 84:  Neck-bone.] [Footnote 85:  One.] [Footnote 86:  Thach.] [Footnote 87:  Weeping.] [Footnote 88:  Empty.] [Footnote 89:  Build.]

EDMUND SPENSER.

THE SUITOR’S LIFE.